/
/
Танилцуулга
Тус хэлтэс нь Гамшгаас хамгаалах тухай, Галын аюулгүй байдлын тухай, Ой хээрийг түймрээс хамгаалах тухай болон холбогдох бусад хууль тогтоомжуудыг хэрэгжүүлэх чиг үүргийн хүрээнд гамшгийн тухай мэдээ, мэдээллийг хүлээн авах, шуурхай удирдлага, зохицуулалтын арга хэмжээг авч хэрэгжүүлэх ,танилцуулах гол үйл ажиллагааг явуулж байна. Монгол улсын шадар сайд, Хууль зүй дотоод хэргийн сайд, Эрүүл мэндийн сайд нарын хамтарсан 42/123/246 тоот тушаал, ЦЕГазрын даргын 231 тоот тушаалаар батлагдсан орон тоогоор ОБЕГазрын даргын 26 тоот тушаалаар доорхи ажлын байруудад томилогдон ажиллаж байна.
Тус хэлтэс нь одоогоор Хэлтсийн дарга 1, Ерөнхий зохицуулагч 4, Ахлах зохицуулагч 4, Шинжээч 4, Мэдээлэл хүлээн авагч 10, Шуурхай албаны жолооч 4, нийт 28 алба хаагчийн бүрэлдэхүүнтэйгээр үүрэг гүйцэтгэж байна. Гамшиг осол, объектын болон ой хээрийн гал түймрийн талаархи мэдээ, мэдээллийг шуурхай хүлээн авах, гамшгийн аюулаас урьдчилан сэргийлэх, аврах, хор уршгийг арилгах, хойшлуулшгүй сэргээн босгох ажилд гамшгаас хамгаалах алба, бусад байгууллага, аж ахуйн нэгж, албан тушаалтнуудад шуурхай удирдлага, зохицуулалтын чиглэлээр мэргэжлийн дэмжлэг үзүүлэх, үүссэн гамшиг ослын нөхцөл байдлын талаар Засгийн газрын шуурхай алба, Үндэсний аюулгүй байдлын зөвлөл, ТЕГ, ОБЕГ, НОБГ-т бодит мэдээллийг хүргэх, танилцуулах үүрэгтэй.
