/
/
САГСАН БӨМБӨГИЙН СПОРТЫН МАСТЕР ЦАГДААГИЙН АХЛАГЧ Д.ОРОЛГОР АГСНЫ НЭРЭМЖИТ МЭДЭЭЛЭЛ, ДҮН ШИНЖИЛГЭЭ, ШУУРХАЙ УДИРДЛАГЫН АЛБАНЫ 2023 ОНЫ “САГСАН БӨМБӨГ”-ИЙН АВАРГА ШАЛГАРУУЛАХ ТЭМЦЭЭН ЗОХИОН БАЙГУУЛАГДАВ
“Мэдээлэл, дүн шинжилгээ, шуурхай удирдлагын албаны 2023 оны Соёл, олон нийтийг хамарсан ажил, арга хэмжээний төлөвлөгөө”-ний 2.15 дахь заалт, “Мэдээлэл, шуурхай удирдлагын төвийн 2023 оны Биеийн тамир, спортын ажил арга хэмжээний төлөвлөгөө”-ний 2.4, 4.6 дахь заалтуудын дагуу алба хаагчдын спортын ур чадварыг нээн илрүүлэх, бие бялдрын хүмүүжил олгох, хөгжүүлэх, албаны шигшээ баг тамирчдыг сонгон шалгаруулах, чөлөөт цагийг зөв боловсон өнгөрүүлэх зорилгоор тус албаны алба хаагчдын дунд цагдаагийн ахлагч Д.Оролгор агсны нэрэмжит 2023 оны “Сагсан бөмбөг”-ийн аварга шалгаруулах тэмцээнийг энэ оны 09 дүгээр сарын 15-ны өдөр Цагдаагийн ерөнхий газрын Хүч спорт хорооны спорт зааланд зохион байгууллаа.
Тус тэмцээнд:
Эрэгтэй төрөлд:
Тэргүүн байрт: Шуурхай удирдлагын хэлтэс /102/-ийн баг,
Дэд байрт: Шуурхай удирдлагын хэлтэс /101,105/-ийн баг,
Гутгаар байрт: Кибер аюулгүй байдал, Мэдээллийн технологийн хэлтсийн хамтарсан баг,
Эмэгтэй төрөлд:
Тэргүүн байрт: Шуурхай удирдлагын хэлтэс /103/-ийн баг,
Дэд байрт: Шуурхай удирдлагын хэлтэс /102/-ийн баг,
Гутгаар байрт: Статистик мэдээллийн хэлтсийн баг,
Тэмцээний шилдэг эрэгтэй тоглогчоор Шуурхай удирдлагын хэлтэс /102/-ийн мэдээлэл, хүлээн авагч, цагдаагийн дэслэгч Г.Мөнхтөр, шилдэг эмэгтэй тоглогчоор Шуурхай удирдлагын хэлтэс /103/-ийн мэдээлэл хүлээн авагч, цагдаагийн ахмад Ц.Нямзаяа, багийн дүнгээр Шуурхай удирдлагын хэлтэс /102/-ийн баг, тамирчид тэргүүн байрт тус тус шалгарсан.
