/
/
“НИЙСЛЭЛИЙН АВРАХ АНГИ”, “НИЙСЛЭЛИЙН ТҮРГЭН ТУСЛАМЖИЙН ТӨВ”-ТЭЙ ХАМТРАН ЭРСДЭЛИЙН МЕНЕЖМЕНТИЙН СУРГАЛТ ЗОХИОН БАЙГУУЛЛАА
Цагдаагийн байгууллагаас Нийслэлийн аврах анги, Нийслэлийн түргэн тусламжийн төвтэй хамтран төрийн байгууллага хоорондын хамтын ажиллагааг сайжруулах, алба хаагчдын мэдлэг, ур чадварыг дээшлүүлэх зорилгоор Эрүүгийн хуулийн 13.3 дугаар үйлд заасан "Хүн барьцаалах" гэмт хэрэг үйлдэгдсэн болон иргэн амиа хорлох үйлдэл гаргасан үед цагдаагийн байгууллагаас таслан зогсоох, эрсдэлийн менежментийн сургалтыг улсын хэмжээнд энэ оны 02 дугаар сарын 09, 10-ны өдрүүдэд цахим хэлбэрээр зохион байгууллаа.
Дээрх сургалтыг "Өндөр барилга, байгууламжаас аврах ажиллагааг зохион байгуулахад цагдаагийн бүрэлдэхүүний үүрэг, оролцоо", "Амиа хорлох үйлдэл гаргасан иргэнтэй хэлэлцээр хийх", "Хүн барьцаалсан дуудлага, мэдээлэлд хэргийн газрын хамгаалалт, үзлэг хийхэд анхаарах асуудал" зэрэг сэдвийн хүрээнд мэргэжлийн байгууллагуудын сургагч багш нар удирдан явуулсан юм.
Сургалтад газар, хэлтсийн дарга, эрүүгийн мөрдөгч, ахлах мөрдөгч зэрэг 700 гаруй алба хаагч хамрагдав. Амжилттай хамрагдсан та бүхний цаашдын ажилд амжилт хүсье!
Эх сурвалж:https://police.gov.mn/
